Təhsildə Keyfiyyət Təminatı Agentliyi “Məktəblərdə keyfiyyət inspeksiyası” layihəsi çərçivəsində ümumi təhsil müəssisələrində inspeksiyaların həyata keçirilməsi üçün “məktəb inspektoru” vəzifəsi üzrə imtahan keçirib.
19 dekabr 2021-ci il tarixində təşkil olunan imtahanda 88 nəfər qadın, 52 nəfər kişi namizəd olmaqla, ümumilikdə 140 nəfər iştirak edib.
İmtahan nəticələri 15 yanvar 2022-ci il tarixində açıqlanacaqdır.
“Məktəblərdə keyfiyyət inspeksiyası” layihəsinin məqsədi ümumi təhsil müəssisələrində tədrisin keyfiyyətini yüksəltmək, o cümlədən, məktəb-şagird-vaideyn əlaqələrini daha da gücləndirərək, sağlam və keyfiyyətli təhsil mühiti formalaşdırmaqdır.