Xəbərlər
Təhsildə Keyfiyyət Təminatı Agentliyinin (TKTA) İdarə Heyətinin sədri Tural Əhmədov Elm və Təhsil Nazirliyinin Akkreditasiya Şurasının qərarı ilə Bakı Mühəndislik Universitetinin (BMU) 5 il müddətində akkreditasiya olunması ilə bağlı şəhadətnaməni rektor Yaqub Piriyevə təqdim edib.
Təqdimat mərasimində çıxış edən TKTA-nın İdarə Heyətinin sədri Tural Əhmədov TKTA-nın fəaliyyət istiqamətləri haqqında məlumat verib və beynəlxalq akkreditasiya imkanları barədə fikir mübadiləsi aparıb. Sədr prosesi uğurla başa vurduğuna görə Bakı Mühəndislik Universitetini təbrik edib.
Rektor Yaqub Piriyev öz çıxışında akkreditasiya prosesinin universitetin gələcək fəaliyyətinə və strateji inkişafına müsbət təsirini vurğulayıb. O, proses müddətində akkreditasiya komissiyasının, o cümlədən universitet heyətinin fəaliyyətini müsbət dəyərləndirdiyini, verilən tövsiyə və rəylərə məsuliyyətlə yanaşılacağını qeyd edib.
Görüşün sonunda T. Əhmədov akkreditasiya şəhadətnaməsini rektor Y. Piriyevə təqdim edib.
.jpg)
